))
Juig Sommer Nou
Manage episode 456723689 series 3072738
Konten disediakan oleh Jokkie Gauché on behalf of Berni Dymet. Semua konten podcast termasuk episode, grafik, dan deskripsi podcast diunggah dan disediakan langsung oleh Jokkie Gauché on behalf of Berni Dymet atau mitra platform podcast mereka. Jika Anda yakin seseorang menggunakan karya berhak cipta Anda tanpa izin, Anda dapat mengikuti proses yang diuraikan di sini https://id.player.fm/legal.
Romeine 5:11 Bo alles kan ons nou ook jubel in God omdat Jesus Christus ons Here ons bevoorreg het om nou God se vriende te wees. (NLV)
Dit is amper Kersfees. My Kersfees. Jou Kersfees. Ja, my vriend, ek en jy sal op verskillende plekke en op verskillende maniere feesvier.
Kan ek jou vandag vra: is jy regtig lus om fees te vier? Of het die bekommernisse van hierdie wêreld enige gevoel van vreugde en verwondering in hierdie aanloop tot Kersfees verdring?
My gebed vir jou is dat jy sal oorloop van dankbaarheid … maar wat jou omstandighede ook al mag wees, wat jy ook al voel; glo ek uit die diepte van my hart dat God wil hê jy moet feesvier; dat Hy wil hê jy moet bly wees; dat Hy wil hê dat jy oorweldig moet word deur Sy eindelose liefde vir jou.
Romeine 5:11 ... Bo alles kan ons nou ook jubel in God omdat Jesus Christus ons Here ons bevoorreg het om nou God se vriende te wees. (NLV)
Ons het gister na die vorige paar verse gekyk en gesels oor God se plan om ons vriendskap met Hom te herstel deur ons lei, deur Jesus se offer skoon te vee.
Maar in hierdie volgende asemteug word ons vertel dat ons nou verheug moet wees oor wat God vir ons, deur ons Here Jesus Christus, gedoen het. Dit is as gevolg van Jesus se groot offer dat ons nou God se vriende is.
Kersfees is God wat nader aan jou kom. Kersfees is God wat jou roep om, ten spyte van alles wat jy gedoen het, sy vriend te wees. Sê sommer nou nog ‘n keer vir Jesus dankie!
Want dit is God se Woord. Vars … vir jou … vandag.
Support the show
1431 episode
Bagikan
